Les Chants d'Amour de Mirèio's Blog
Texte "MIRÈIO E VINCÈN"
De ma vidasso encaro urouso
Anés pas vous jouga, Mirèio,
Au noum de Diéu !
Me fagués pas crèire de causo,
Qu'aqui dedins uno fe 'nclauso,
De ma mort sarien pièi l'encauso.
Mirèio, d'aquéu biais vous trufés plus de iéu !
-Que iéu jamai m'emparadise,
Se i'a messorgo en ço que dise!
Vai de crèire que t'ame fai pas mouri, O Vincèn !
Vincèn!... Mai se, pèr marridesso,
Noun vos de iéu pèr ta mestresso,
Sara iéu de malo tristesso
Sara iéu qu'à ti pèd me veiras coumbouri !
-Oh! Digués plus de causo ansinto.
De iéu à vous i'a 'n laberinto !
- Eh ! Que m'enchau que moun fringaire
Siegue un baroun o'n panieraire !
-Un trevaire de champ, Mirèio, un gandard, siéu !
-Perque dounc, o Vincèn, m'aparèisses tant bèu?
Lou veses pas que ta brassado,
A mes lou fiò dins mi pensado ?
-Me fagués pas, Mirèio, crèire de causo,
-Que de ma mort, Vincèn, sarien pièi l'encauso!
-T'ame Mireio !
-T'ame Vincèn !
-T'ame !
Comments
Post a comment...